- هو الزفت اليورو ده هيخلص امتى؟
- لسه اسبوعين كده ... مضايقك فى ايه؟
- مش مركز خالص ولا عارفه اكلمك كلمتين على بعض من ساعتها
- ......
- الوووو .... انت سامعنى
- أوووبااا ... يااااااااه .. يا ابببببن اللذينة، جابها ازاى ديييه
- مش معايا خااالص
- ثوانى بس اشوف الإعادة ... يخخخخخرب عقلك يا انيستا، معلللللم
(يرن الموبايل)
- ألووووو يا باشا .... شفت طبعا بتفرج اهوه، مش ممكن اللمة ع الباصة
- ....
- لا اننننننسى، اسبانيا هتقطع اى فرقة قدامها .... خط وسط برشلونة بيتكلم يا معلم
- ....
- شغال معايا، ظبط انت مع الباقيين واحجز ترابيزة حلوة بس جنب الشاشة ونديها
- ...
- سلام
- إنت خارج وسايبنى
- هه
- خاااارج وسايبنى
- ....
- اه ... عاجبينك قوى مشجعات اسبانيا وهما بيتنططوا ومش لابسين كده
- مزز جامدين الصراحة مش كده
- أأأأأه .. جامدين قوى .... هم بره صحتهم حلوة، حتى رجالتهم مزز: براد بيت وجورج كلونى وتوم هانكس وانطونيو بانديرس - ماهو لو دول الستات بتاعتهم، يبقى طبيعى رجالتهم يكونوا متلمعين كده
- طب ليه ما يكونش العكس، علشان الرجاله متلمعين وشكلهم حلو وبيعاملوا ستاتهم برومانسية، الستات نفسها بتتفتح ع الدنيا
- يا عم افتح ع الشماااال بسرعة بقى
- حماااااار
- ايوة حمااار، بيكيه ده غلطاته مالهاش حل، بتترد بجون على طول
- جزمة
- أأأ .... ايه مالك؟ متضايقه منه قوى كده ليه؟ من امتى وانتى ليكى فيها؟
- اهو الواحدة من زهقها بتفك عن نفسها بالكورة شوية، ماتاخدنى معاك طيب خروجة الماتش اللى اتفقت عليها دى
- ماينفعش
- ليه؟
- كده .. كلنا رجالة؟
- يا حسرة
- هه؟
- بقول ياحسرة مراتاتكم قاعدين فى البيت، ماتخرجوهم معاكوا طيب، واهو نعيشلكوا فى دور المشجعات اللى عينيكم هتطلع عليهم دول
- ايه ؟؟؟ ..... ههههههههههههههههههههههههه
- ياااااه دمى خفيف للدرجة دى
- لا بس متخيلكم لابسين زيهم كده وبتهللوا وانتم مش فاهمين حاجة
- هو اللى عجبك فيهم انهم فاهمين فى الكورة يعنى؟
- على رأيك
- نععععم ؟؟
- استنى بقى فاول اهو .... هتشمعها ولا هتركنها ولا اييييه؟
- لأ ... هو هيشمعها ويلفها بسوليفانة وبعدين يركنها جنب الحيطة
- هه ؟
- جووووووووووون
مدونة myegypt3 لدخول الموقع اكتب فى جوجل مدونة myegypt3 ,تحميل,اغانى شعبى,مهرجانات شعبى,اغانى رومانسى,كليبات,افلام عربى,افلام اجنبى,مسلسلات عربى,مسلسلات تركى,برامج كمبيوتر,برامج محمول,برامج تلفزيونية,مشاهدة مباريات,افلام للكبار فقط,اخبار السياسة,صور متنوعة,علىMy Egypt
0 التعليقات:
إرسال تعليق
نشكرك على التعليق